29/1/08

MOBILIZACIÓNS EN SANTIAGO


O martes 29 de xaneiro houbo unha nova concentración diante das instalacións do Grupo Tragsa do persoal eventual de Tragsega das provincias de Coruña e Pontevedra, para lembrar á Dirección da Empresa que o persoal quere "saír da neveira" e volver a traballar como viña facendo anualmente.
Seguimos as mobilizacións para manifestar a nosa desconformidade ante a política de contratación de Tragsega e a súa postura de burla á lexislación laboral e insensibilidade ante a situación que están a vivir actualmente os nosos compañeiros e compañeiras.

A vindeira concentración terá lugar o luns 11 de febreiro, a partir das 12h00 na Praza Roxa de Santiago de Compostela, onde se instalará unha mesa para recollida de sinaturas de apoio ás nosas reivindicacións e na que se comezará unha campaña informativa de sensibilización da sociedade civil.

Ler máis...

25/1/08

ASAMBLEA DE TRABALLADORES DE LUGO

Convócase a todos os compañeiros e compañeiras (veterinarios/as, persoal administrativo, de laboratorio, de gravación... tanto indefinidos/as coma eventuais) a unha asemblea conxunta o vindeiro martes día 29 de xaneiro ás 19 horas, no Edificio de Sindicatos da Ronda da Muralla de Lugo.

Os temas a tratar son moi importantes de cara ao futuro do traballo de todos e todas, polo cal consideramos que é moi importante a vosa asistencia.

Ler máis...

22/1/08

MOBILIZACIÓN ANTE O PRESIDENTE DA XUNTA DOS TRABALLADORES E TRABALLADORAS DE TRAGSEGA


Os traballadores e traballadoras de Tragsega manifestáronse diante do Círculo das artes en Lugo pedindo unha solución ante a situación actual de inestabilidade laboral.




Ademais achegaronlle ao Presidente da Xunta de Galicia, e ao Conselleiro de Traballo unha carta asinada polo persoal eventual de Tragsega en Lugo, na que se fala da situación actual de indefensión laboral na que os deixou TRAGSEGA.

O Presidente e o Conselleiro de Traballo manifestaron o seu interese pola situación e dixeron que falarian tamén coa Consellería de Medio Rural para estudar o caso.

A nova na Voz de Galicia e no Correo Gallego

Tamén deuse nas dependencias da CIG en Lugo, unha rolda de prensa na que falou persoal eventual, e na que aparte de Localia TV, estiveron varias emisoras de radio (SER, COPE, RNE....) sendo difundidas as entrevistas en toda Galicia.

Ler máis...

MOBILIZACIÓNS EN SANTIAGO DE COMPOSTELA


Os comités provinciais de Tragsega en A Coruña e Pontevedra, comezan as mobilizacións con traballadores e traballadoras eventuais manifestando o seu malestar ante a actual vulneración dos seus dereitos laborais. Concentráronse o luns 21/01/08 a partir das 10h00 diante das instalacións do Grupo Tragsa en Santiago de Compostela, no Polígono do Tambre (Vía Pasteur, nº 29-31), solicitando unha solución para o persoal afectado.

A semana que vén, o martes 29/01 convócase outra concentración no mesmo lugar ás 12 horas.

Ler máis...

14/1/08

MOBILIZACIÓNS NA PROVINCIA DE CORUÑA

O comité provincial de Tragsega A Coruña, na súa reunión mantida o xoves día 10 de xaneiro, acorda comezar as mobilizacións con traballadores e traballadoras eventuais para manifestar o seu malestar ante a actual vulneración dos seus dereitos laborais.

A convocatoria é o luns día 21 de xaneiro ás 10h00 diante das instalacións do Grupo Tragsa en Santiago de Compostela, no Polígono do Tambre (Vía Pasteur, nº 29-31).

Agardamos a vosa asistencia e o voso apoio.

Ler máis...

11/1/08

XUNTANZA EN MADRID COA DIRECCIÓN DA EMPRESA_08/01/08

Dende o mes de maio do 2007 a CIG a través da súa sección sindical en Tragsega solicitou en reiteradas ocasións a adhesión aos acordos firmados entre a dirección da empresa e os traballadores/as de Tragsatec, sen obter ningunha resposta. Por fin o 17 de decembro hai unha convocatoria por parte da dirección da empresa sen orde do día. Nós, ilusos, pensamos que por fin íamos asinar as tan ansiadas melloras (días de asuntos propios, ampliación dos permiso retribuídos, aumento das dietas, melloras nas xornadas laborais,…) pero non foi así.

A reunión tratábase dunha proposta da UGT para constituír unha mesa negociadora dun acordo marco. Realmente ao principio tratouse dunha proposta da UGT pero ao final rematou sendo unha proposta da empresa (¿cando unha e cando a outra?).
Houbo moita tensión e a idea da UGT era constituír esa mesa negociadora no mesmo día, “co apoio de CCOO e CIG ou sin el”, baseándose na súa maioría esmagante que nos refregaron sen parar en todo momento. Onde está o respecto as minorías? Se realmente quixeran contar coa CIG e CCOO para negociar coa empresa falarían antes con nós e non con eles como fixeron, dándonos todo o traballo feito sen poder dar sequera a nosa opinión.
Esperaban que a CIG non asinara a constitución da mesa, pero non contaban coa negativa de CCOO (que ao igual que nós, dixeron que tiñan que estudar a situación antes de dar unha contestación, e que as formas non eran as axeitadas). Ante a perspectiva de que CIG e/ou CCOO botaran para atrás o tema, Bustillo (Subdirector de RR. HH. do Grupo Tragsa) pospuxo a constitución da Mesa, para o día 31 de xaneiro.

Resumindo: A Dirección da Empresa (¿non era UGT?) propón a constitución dunha mesa negociadora dun Acordo Marco con 7 persoas (5 de UGT + 1 de CIG + 1 de CCOO). Queda pendente unha reunión para o día 31 de xaneiro para a constitución da mesma e ratificación do número de integrantes, distribución dos mesmo e dar nomes.

Parece ser que a UGT vai dicindo que a Mesa xa está constituída. Vai ser que non. Polo menos non coa CIG. A ver se a ratificaron coa empresa unha vez rematada a nosa xuntanza...

O día 31 de xaneiro, non imos a asinar a constitución da Mesa posto que se o fixeramos nos termos que eles propoñen sería suicidar a representación da CIG (tamén a de CCOO) e a quen realmente deixan sen representación é aos traballadores e traballadoras a quen representa a CIG, como a UGT fixo en Lugo. Non chegamos ata aquí para deixar que agora veñan 5 delegados da UGT a decidir por nós e darlles un cheque en branco para que fagan o que lles pete.

A unidade UGT-EMPRESA xa está a día de hoxe moi afianzada. Non dubidamos que conseguirán as melloras que todos queremos, como días de asuntos propios, incremento dos permisos retribuídos, diminución da xornada laboral, aumento das dietas… e todos nós congratularémonos das mesmas. Pero si para conseguir isto temos que pasar por renunciar a unha estabilidade laboral que todos estamos demandando a berros (tanto os que estamos traballando como os que están no paro) parécenos que é un prezo moi alto. Dende a CIG seguimos a denunciar a situación de precariedade laboral na que nos atopamos e non nos calarán con 3 horas menos de xornada que ao final imos facer igual sen que nolas paguen.

Ler máis...

9/1/08

ARTIMAÑAS CONTRACTUAIS DE TRAGSEGA E DO GRUPO TRAGSA PARA BURLAR A LEXISLACIÓN LABORAL VIXENTE

Como ben sabedes o obxectivo empresarial deste ano para Tragsega, é realizar a campaña de saneamento de 2008 durante 11 meses e 15 días, sen asinar ningún contrato indefinido, sen mellorar as condicións sociolaborais do persoal contratado e tratando de acadar o maior beneficio posíbel a costa dos seus traballadores.

Desde este punto de partida, queremos informarvos das acerca do que pensamos sobre posíbeis estratexias que poden ser artimañas empresariais para evitar asinar contratos indefinidos ou realizar conversión de contratos temporais en indefinidos (Lede o Art. 12, Lei 43/2006). A Empresa para evitar cumprir o Real Decreto, realiza contratos de interinidade (que non computan a efectos da suma total dos 24 meses dentro dun período de 30), contratación noutras Provincias ou Comunidades, coa que poden argumentar que a contratación é para un posto de traballo distinto e tampouco sumarían para o cómputo, prorrogar contratos temporais (para evitar chegar ao período de 30 meses), negociar “a neveira”, comprometéndose co persoal a realizarlles contratos temporais tras pasar o período suficiente que evite subscribir un contrato indefinido.
Así pois, instámosvos a que revisedes as vosas situacións particulares e que nos consultedes se as vosas contratacións están actualmente, ou se pretenden realizar, en fraude de lei; ou transmitídenos calquera outra dúbida. Lembrade o noso enderezo electrónico: cigtragsega@gmail.com

Ler máis...

CONTINÚAN AS MOBILIZACIÓNS DOS TRABALLADORES E TRABALLADORAS DE TRAGSEGA EN LUGO




Nova concentración dos traballadores e traballadoras de Tragsega Lugo fronte ao Edificio Administrativo da Xunta (Lugo) por mor da burla da empresa ante a Lei 05/2006 de estabilidade laboral.

As concentracións repetiranse en adiante todas as semanas os mércores, ademais de facer outras iniciativas de protesta como a recollida de firmas.

Ler máis...

4/1/08

La Xunta dará ayudas de hasta 3.600 euros a los padres que reduzcan su jornada para atender a hijos menores de 3 años

La Xunta dará ayudas de hasta 3.600 euros a los padres que reduzcan su jornada para atender a hijos menores de 3 años

Las ayudas solo se destinan a los hombres trabajadores o a las familias monoparentales, formadas por hombre o mujer, que trabajen por cuenta ajena y cuiden a menores de 3 años.

Ler máis...

2/1/08

COMEZAN AS MOBILIZACIÓNS NA PROVINCIA DE LUGO

Concentración dos traballadores e traballadoras de Tragsega Lugo fronte ao Edificio Administrativo da Xunta (Lugo), e do persoal afectado que non foi contratado en xaneiro de 2008 para burlar a Lei 5/2006 e non facelos indefinidos, pedindo unha solución para estes.



Suso Ares e Xaime Ríos presidindo a Asemblea de persoal eventual que todos os anos era contratado nestas datas pola empresa Tragsega para realizar a campaña de Saneamiento e que para burlar a Lei 5/2006 e non facerlles contratos indefinidos, quedaron fóra da contratación anual.

Ler máis...